Verslunin Hlín var stofnuð 24.10. 1986 og var opnuð sama dag í 20 fermetra húsnæði í kjallara að Hvammstangabraut 28 á Hvammstanga.  Fyrsta árið voru eingöngu til sölu föndur- og hannyrðavörur en strax ári seinna varð vöruúrvalið meira og má þar nefna blóm, blómaskreytingar, gjafavörur og fleira.

Þann 01.07. 1998 var versluninni breytt í Hlín ehf. og 15.07 sama ár var fyrsta skóflustungan tekin að byggingu nýrrar verslunar að Klapparstíg 2, enda plássleysi farið að setja strik í reikninginn í gamla húsnæðinu.  Þann 05.12 1998 var verslunin síðan opnuð í nýja húsnæðinu sem er 100 fermetra timburhús.  Með tilkomu þessa nýja húsnæðis var loksins hægt að hafa starfsaðstöðu á einum stað, þ.m.t. námskeið sem fram að þeim tíma þurfti að halda annars staðar.  Sunnudaginn 22. október 2006 var gestum og gangandi boðið að þiggja veitingar í tilefni af 20 ára starfsafmæli verslunarinnar.  Námskeið eru haldin yfir vetrarmánuðina og einnig á öðrum árstímum eftir þörfum hverju sinni.  Opin föndurkvöld eru einu sinni í viku yfir vetrarmánuðina. 

Eigendur verslunarinnar eru Dagbjört Jónsdóttir og Hermann Ívarsson.